Havein selegrau e spitgau vess gl'entir di che nies van arrivi la sera allas 20.30. Quei tappalori d'in emploiau che havess giu da vegnir cun el, ei denton buca staus pipa d'anflar il liug da surdada. Idiot, tgutg, ... ein aunc stai ils bials plaids che nus havein duvrau quella sera. Ils peis barschavan dil star si dretg e nus buglievan dalla gretta! Happy Birthday, cara Corina! ... san ins mo pli dir cheu, pertgei ei cuzzava mo aunc in quart d'ura tochen mesanotg. Cunquei che Marco haveva gia dapi jamnas organisau il schanghetg ... hmhm, ha el tratg garlets ed ei currius vi ella stizun da 24 uras. Siu saldo ha grad aunc tunschiu per in ballon ed ina rosa. Tgei cletg :-) Suenter in viva essan ir a letg.
L'autra damaun, ils 29-07, ei quei tip, per il qual Marco haveva daditg negins plaids maltschecs pli, finalmein vegnius. Encunter suentermiezdi essan essan semess sin via dalla costa dil Lake Erie (in dils 4 lags GRONDS dils Stadis) giuadora.
Ad Erie ed ad East Harbor havein nus mintgamai passentau ina notg sin in campadi alla riva dil lag. Suenter duas jamnas abstinenza da carn, ha Marco finalmein giu la pusseivladad da barsar sias empremas giogias sil fiug per siu tgaun cauld :-) gigantic! Corina denton ei stada cuntenta cun cuschina da casa.
Il tierz di havein nus cargau nies "Dodge" sin la fera viers Put-In-Bay. In' insla plein alcoholichers, quei che nus savevan denton buc ordavon ... hehe! Aschia che nus havein bunamein stuiu beiber in (... sur la seit!) sigl emprem d'uost ... e sil secund grad aunc inagada ;-). Bien che l'entira insla ha mo 10 vias ed ei mo 2 km lada. Nus denton essan stai"aschi mals" ed havein fatg da pauper, aschia che x ina veglia cun buorsa grossa ha pagau il taxi. Che Marco ha buca priu enta maun sez il guvernagl ei forsa stau meglier. Ils detagls salvein per nus :-)
Dapi treis dis essan sper il Lake Michigan (Indiana Dunes State Park), denton per ier sefatg en che nus sesanflein en ina nova zona da temps. Sablun natural ed ina vesta tochen la skyline da Chicago. Buca mo turists, era ils indigens passentan bugen cheu lur temps liber.
1 Kommentar:
hallo vus dus bulius da cletg
all'entschatta lessel engraziar per vos blogs mintgamai, ei schon interessant e magari legher da leger sco vus sestelegeis tras il mintgadi american....aber uss cu vus veis finalmein survegniu il van sai gie schabegiar nuot cun vus. il "road trip" sa pia entscheiver. in tip a ti marco: lai adatg che la corina lai buc engular la maschina ; -)!
ah gie corina, sperel che ti has survegniu miu sms cullas gratulaziuns sin tiu 26avel börthdäy (krass, schon 26 ; -)
baschta, lu fagei aunc in bi temps e buc schei memia bia temps da scriver il proxim blog.
salids da campliun
giochen
Kommentar veröffentlichen