Contonschiu la costa dil vest

Ils 21 da settember havein contonschiu il pacific - Santa Cruz, California. Il marcau che stat per il surfing. Per entscheviders sco nus dus ston ins denton per anflar in liug adattau. Schi freida sco l'aua ei entaupan ins naven dils pli pigns entochen ils pensiunai. Senza costum da neopren ... buca da tener ora ... brrr!
Suenter 2 meins far biala veta havein priu enta maun pic e pala, tschetschapuorla e scua. Aschia havein survegniu in suttetg e duas tratgas cauldas a di :-). Sin quella moda havein era empriu d'enconuscher la glieud indigena, saviu empristar ina ni l'autra aissa e finalmein giu temps da planisar la cuntinuaziun da nies viadi.
Avon che partir direciziun Los Angeles essan carrotschai enviers nord sur la Golden Gate Bridge, visitau il Bluegrass Festival, il pier 34 cun ils elefants da mar e la perschun dad Alcatraz a San Francisco.

Silsuenter essan plaunet carrai dalla costa dil vest giuadora sil Highway 1 (ina via che vesa ora semegliont sco las passaschas denter Versomi e Bonaduz) entochen a Los Angeles. Cheu havein priu cumiau da nies fideivel cumpogn da viadi Dodge che ha bunamein mai fatg il botsch.

Cunquei che nies sgol a Hawaii parteva gia baul la damaun havein inaga dapli schau pender ora il turist alternativ, spargnau ils raps pil hostel ed enstagl magliau 2 gadas tscheina sil port d'aviatica LAX. Avon che sgular aunc ina tschuglatta caulda havein buiu, ina ura pli tard egl aviu denton cun la fuera cumbattiu.
Il suentermiezdi dils 19 d'october essan arrivai a Big Island, Hawaii. Cheu vivin sin ina farm da cafe, mo tut stueis aunc buca saver;-) aloha!

Sequoia National Park

Suenter carrar in di sin vias pulleinas tras igl uaul dil Sequoia, (tochen sin 2600 meters e puspei engiu sin 300 m.s.m) havein contonschiu ils 19 da settember il parc naziunal. ... segir buca la pli sperta via.

Las enormas plontas da Sequoia, era numnadas plontas da mamut, ein sco il num di GIGANTICAS! Tochen 12 meters ladas (las pli ladas dil mund) e 90 meters aultas, la scorsa cun ina ladezia tochen 60 centimeters. Cheu essan vegni avon sco el mund da praulas. Tgi vesa Corina?

From the historical Route 66 to Las Vegas

Suenter il Grand Canyon essan carrai sin la Route 66 direcziun Las Vegas. Dus dis avon che partir sin quella ruta populara essan s'annunziai per il Fun Run 08, ina "cuosa" per oldtimers che ha liug mintg'onn denter Kingman e Williams. Sin la gliesta da partenza essan stai, la cuorsa denton mai carrai :-). Co lein dir ..., nies auto curdava si empau fetg denter tut ils auters. In camper da 20 onns denter autos dils onns 50 e 60, manteni sur decennis cun gronda passiun.

Aschia essan aunc quei di carrai tochen Las Vegas. Sueter durmir dus meins ordaviert sin campadis essan selegrai sco gronds da residar per treis dis en in hotel da quater steilas ... finalmein in letg! Sco vus saveis schai Las Vegas permiez il desiert, quellas circumstansias han meanau tiel fatg che quei pievel "malsaun" ha construiu in tetg (veseivels sin la fotografia) aschia ch'els san manipular l'aura sco els vulan. Fetg emperneivel, in tec sco il vent dalla mar, aschia che negin sto suar.
In roulette havein naturalmein era giugau denton massa raps buca gudignau. Ni detg auter, nus havein spiars ;-).

Enstagl da sfarlatar tut ils raps el casino, havein visitau il fantastic Cirque de soleil che vegn menaus si el MGM. In dils numerus Casinos bombastics che sesanflan ella via dil "Strip" ... tenor nies meini lev surfatg! ... New York New York, Paris Las Vegas, the Venetian, Planet Hollywood, Bellagio, Ceasars Palace, Luxor cun la Sphinks. Entirs monuments e baghetgs renomai en miniatura. Crazy town!

The turn around the Colorado plateau - part two

La secunda part dalla runda havein priu empau pli pacific. ... meins bia hikes, persuenter empriu d'enconuscher interessanta e cordiala glieud dad autras tiaras. Aschia havein gia fatg las connections necessarias per nies proxim viadi ... en cass che nus turnein insumma anavos;-)

Suenter haver visitau il mund dils babuns dils Indians da Pueblo a Mesa Verde ed haver anflau fastitgs da Navjo Indians vid las finiastra da nies auto el Monument Valley, havein beinspert priu la via sut las rodas. Sur il Lake Powell ed il Grand Canyon essan carrai direcziun Las Vegas.

Mesa Verde National Park, 5 - 6 da settember

Monument Valley, 7 - 09 da settember

Glen Canyon - Lake Powell, 8 - 10 da settember

Crand Canyon National Park, 10 - 12 da settember

The turn around the Colorado plateau - part one

Serevegni dil strapaz els Tetons essan arrivai ils 24 d' uost a Salt Lake City. Sper igl Olimpic Legacy Cauldron Park (il vitg olimpic dils giugs d'unviern 2002) havein visitau il Temple Square dils Mormons "Die Heiligen der letzen Tage". Christians che s'entaupan en in tabernachel per tedlar la vusch dil profet (ch' ei el medem mument president da quell' uniun) che referscha sur dil senn dalla veta. ... Tgi che crei vegn salvs. ;-)
L' auter di essan carrai 300 kilometers viers il sid tochen Cedar City, la porta tier la plattafuorma dil Colorado.
Las duas davosas jamnas havein oravontut gudiu la natira els fascinonts ed unics parcs naziunals. Cheu regia puspei tut in auter clima ... greppa, sablun, cactus e temperaturas tochen 40 grads. In' enzenna che nus vegnin pli datier dil desiert. La sitgira e stauncladad han denton buc impediu nus da far enzaconts "hikes". Semplamein gorgeos, amazing, wonderfull e tut ils auters adjectivs ch'ils Amis drovan aunc per descriver lur stadis!
Las impressiuns ...

Zion National Park, ils 26 - 28 d' uost

Bryce Canyon National Park, ils 29 - 31 d' uost

Capitol Reef National Park, ils 31 d' uost

Arches National Park, ils 1 - 4 da settember

Yellowstone e Grand Teton

Muniziunai per 2 jamnas cun tratgas ord la cuppa e resti suten da termos (ins sa gie mai ...), essan carrotschai ils 16 d'uost tras ina cuntrada da cuolms e lags e pli tard tras spess uaul tochen el plarc naziunal dil crap mellen. Il Yellwostone, igl emprem parc naziunal dil mund, che sesanfla sin ina caldera activa da 60 kilometers quadrat.
Duront 5 bellezia e calira dis, denton ferdaglia notgs (entuorn 0 grads celsius), havein denter auter saviu observar Bisons, Bull Elks (taurs tscharva), Mule Deers (enzatgei denter taurs tscharva e cavreuls), Bighorn Sheeps (famiglia dils anugls), Pronghorns (ina sort camutsch), pelicans e zigns. Sulettamein igl uors ed il luf havein buc entupau ... para las conservas han buca ferdau ;-).

Il Geysir Old Faithful, che spreza siadora l'aua sutterana sin in'altezia denter 30 e 50 meters, ei mo in dils highlights che attirescha entiras colonias da cars plein asiats el parc. Mintga puoz ei in object tschercau e sch'ei dat negin daventa schizun nies Van fotoghens.

Il hotel vischinont, in object historic ord lenn ei in ver palast, nua che nus sempels turists savein mo sesluitar viaden per prender ina comfortabla duscha ... suenter haver selavau quater dis cun aua freida sco ils gats :-).
La 5. notg havein passentau al pei dil Grand Teton (numnaus dils Franzos gronda teta ) che sesanfla el sid dil parc. Cura che havein viu ils bellezia greps ella cuntrada essan sesenti sco da casa. Spert eis ei stau clar che nus veglien contonscher il spitg dad in da quels tafers pezs.
L'auter di a bunura essan semess sin via cun ina salata da pasta, ina galona aua e dus meils els sacados.
Suenter entgins deturs pervia dalla neiv perpetna ed enzacontas gadas piarder il trutg havein cotonschiu da miezdi la siala dil Middle Teton (3902 msm). Jupiii! Cunquei ch'ei suflava taluisa essan denton beinspert turnai engiu. 11 uras pli tard essan stai leds da saver trer ora las pantoflas (!). ... quella gada havein definitiv surpassau nos cunfins!
Aunc dus dis pli tard palandravan enturon sco pupratschs:-).

Naven dalla tuor dil giavel a Cody

Ils 11 d'uost havein bandunau il stadi South Dakota.
All' entschatta dil stadi Wyoming havein visitau in curios alzament, il Devils Tower (386m) - la tuor dil giavel. Varga 20 pievels dils indians vesevan en quei monolit in liug sogn. En quei liug ei denter auter vegniu produiciu il film da Stephen Spielberg "Unheimliche Begenung der dritten Art".

Dus dis pli tard essan arrivai a Cody, il marcau ch' ei vegnius nummnaus suenter il legendar William F. "Buffalo Bill" Cody. Cheu havein naturalmein buc astgau munchentar il tradiziunal rodeo.
La sera avon che partir en direcziun dil parc naziunal da Yellowstone havein empruau da pinar il radio digl auto che haveva lagutiu ina cassetta. Per puder tier quella ha Marco baghegiau ora l' entira armatura. Cun agid dad in bienatsch che haveva ils dretgs uaffens ha Marco la finala rabitschau ora la cassetta. Dapi lu funciunescha il radio ... las cazzolas davos, la glisch directa e la tiba denton buca pli. Aschia stuein adina puspei empruar dad evitar sentupadas nocturnas cun la polizia. Tut schon vegniu avon! Cun sedar tups, haver buiu mo sirup;-) e posseder la dretga naziunalitad ei quei denton meins nausch.

Rapid City, Custer Staate Parc e Crazy Horse Memorial

Ils 10-08, essan nus ir sin la tscherca dils bisons el Custer State Parc, che sesanfa el sid da Rapid City. In secund mo pli pign Las Vegas che sebasa sin fundament da quei ch'ins ha cattau entuorn 1900 aur els Black Hills. Enteifer 100 onns ei il diember dalla populaziun explodius aschia che Rapid Citiy ei daventaus in grond e soli marcau denter planiras e cuolms.

Strusch arrivai el el parc ei ina horda da quella razza currida davon nies auto vi. Nus essan sesenti sco sin ina safari. Enteifer igl entir parc san ins contemplar ils animals giu da via. Quei ha tenor nies meini da far pli pauc cun in parc schurmegiau.


Schon empau surfatg ... prima vias da ter pemiez ina bellezia cuntrada. Quei muossa puspei inagada la mentalitad dil americans ... gronds autos, tablas da reclamas sco monuments, scatlas da creflis che tonschan per nus dus unviarns ed aschia vinavon :-)

Avon che ir a Wyoming havein visitau il memorial da Crazy Horse. Il pli grond monumet sin quest mund (171 m) che metta las quater fatschas dil Mount Rushmore ell' umbirva. Dapi varga 50 onns vegn il terment grep purtaus giu di per di. Negin sa dir cura ch' il monument vegn ad esser a fin. La finfinala duei Crazy Horse seser sil cavagl e mussar cul maun sur sia tiara, ch' igl um alv ha priu naven a siu pievel.


Il meglier vegn denton aunc. L'auter di havein entupau la niaza dad ina beadia da Crazy Horse el Walmart (nies parcadi da notg sche buca sil campadi) a Rapid City. Ella ha envidau nus a San Diego sin in cafe. Tgi sa forsa mein gie sperasvi.

Sils fastitgs dils Indians

Sco la steila da Bethlehem (dat ei veramein a South Dakota) muossa la I90 a nus la via viers vest.

Il stadi Minnesota havein mo tangau el sid. Bia agricultura, purs e tractors. Mo en cumparegliaziun cun Wisconsin havein viu in tec dapli che mo vias e tablas.

Ils 6 d'uost essan nus arrivai el stadi South Dakota. Nua ch'ins mira, planiras e planiras ... the Plains ... la tiara dils Indians.
Il marcau principal Pierre, che ha mo 14 000 habitonts, sesanfla sper il flum Missouri.

El nord sesanfla il Crow Indian Reservation, nua che "Quel che saulta cul luf" ei vegnius producius.

Il di sissu havein contonschiu igl emprem parc naziunal. Maco sica, ils Badlands ... senza pladis! Mirei sez!

La 90 brischa sut las rodas ...

Sco priu avon levan suenter dus dis sper il lag Michigan ir a Chicago.

Havein denton udiu che Gary ed il Chicago dil sid seigien meins adattai per dumir el liber. Gary ha la pli aulta quota d'assasinats dil mund - e quei ei negina sgnocca!

Sil fundament da quei e ch'igl ei buca sempel cun in camper en in grond marcau, havein priu la via sut las rodas ed essan carrai "l'etappa dil retg" sin l'Interstate 90 viers vest. Via, tablas, gas and food station ... ed aunc inagada gas and food station, tablas e vias, mintga 20 meilas! Detg auter, Wisconsin ... in stadi cun bellezia vias.
Suenter esser carrai gl'entir di havein nus contonschiu il Mississippi (cunfin denter Wisconsin e Minnesota). In bellezia flum ch'ei aschi lads ch'ins po tertgar ch'ei seigi in lag. Staunchels havein lu encuretg in plaz da star sur notg. Anflau havein la finfinala in campadi privat tier ina veglia da bunaveglia.
Mo nus ed il "Dodge", sut tschiel steliu ... o con bi!

1 d'uost a Put-In-Bay

Nus scrivin ils 28-07-08.

Havein selegrau e spitgau vess gl'entir di che nies van arrivi la sera allas 20.30. Quei tappalori d'in emploiau che havess giu da vegnir cun el, ei denton buca staus pipa d'anflar il liug da surdada. Idiot, tgutg, ... ein aunc stai ils bials plaids che nus havein duvrau quella sera. Ils peis barschavan dil star si dretg e nus buglievan dalla gretta! Happy Birthday, cara Corina! ... san ins mo pli dir cheu, pertgei ei cuzzava mo aunc in quart d'ura tochen mesanotg. Cunquei che Marco haveva gia dapi jamnas organisau il schanghetg ... hmhm, ha el tratg garlets ed ei currius vi ella stizun da 24 uras. Siu saldo ha grad aunc tunschiu per in ballon ed ina rosa. Tgei cletg :-) Suenter in viva essan ir a letg.

L'autra damaun, ils 29-07, ei quei tip, per il qual Marco haveva daditg negins plaids maltschecs pli, finalmein vegnius. Encunter suentermiezdi essan essan semess sin via dalla costa dil Lake Erie (in dils 4 lags GRONDS dils Stadis) giuadora.

Ad Erie ed ad East Harbor havein nus mintgamai passentau ina notg sin in campadi alla riva dil lag. Suenter duas jamnas abstinenza da carn, ha Marco finalmein giu la pusseivladad da barsar sias empremas giogias sil fiug per siu tgaun cauld :-) gigantic! Corina denton ei stada cuntenta cun cuschina da casa.

Il tierz di havein nus cargau nies "Dodge" sin la fera viers Put-In-Bay. In' insla plein alcoholichers, quei che nus savevan denton buc ordavon ... hehe! Aschia che nus havein bunamein stuiu beiber in (... sur la seit!) sigl emprem d'uost ... e sil secund grad aunc inagada ;-). Bien che l'entira insla ha mo 10 vias ed ei mo 2 km lada. Nus denton essan stai"aschi mals" ed havein fatg da pauper, aschia che x ina veglia cun buorsa grossa ha pagau il taxi. Che Marco ha buca priu enta maun sez il guvernagl ei forsa stau meglier. Ils detagls salvein per nus :-)

Dapi treis dis essan sper il Lake Michigan (Indiana Dunes State Park), denton per ier sefatg en che nus sesanflein en ina nova zona da temps. Sablun natural ed ina vesta tochen la skyline da Chicago. Buca mo turists, era ils indigens passentan bugen cheu lur temps liber.

Sin via encunter Niagara Falls

... denton aunc adina senza nies camper.

Gievgia sera, ils 24-07, essan nus semess sin via encunter Peekskill per finalmein prender encunter nies camper cumprau. Quel fuva denton aunc adina buca semtgaus. Buca da crer, suenter gleiti duas jamnas!!!
Nus levan mo pli naven da Peekskill ..., aschia havein nus survegniu in van Ford 5.0 V8 ... miez tractor, cun il qual nus essan semess sin via encuter Catskills.
Tard la sera (3 minutas avon ch'igl office siarri) essan nus arrivai a Beaver Kills, in campadi permiez igl uaul sper in flum che fuva inundaus il di avon suenter in terment stemprau.
Per inagada havein nus giu cletg. Ch'igl uors ner ei leu da casa ha sin quei disturbau nus pli pauc.

Suenter in stop tier ils Finger Lakes essan arrivai sonda, ils 26-07 a 4 Mile Creek. In segl naven da "Neagro", translatau dil lungatg dils Indians "Die donnernden Fluesse". Impressiunont!

Oz, ils 28-07, havein nus lu finalmein survegniu la novitad positiva che nies cumpogn da viadi "Dodge" camper seigi semtgaus. Aschia vegnin questa sera a carrar direcziun Chicago, il tierz grond marcau dils Stadis, cun ina architectutra magnifica. We will see ...

Ocean City - Cape May (60km)

Sin la tscherca da nos cunfins

Sin la carta vesan las distanzas adina ora schi cuortas, en realitad sa denton tut esser empau pli liung. Quei havein nus constatau ier, ils 21-07 cu nus essan semess cun in tandem en direcziun sid.
Ina bellezia via suenter la costa cun vesta sin la mar atlantica. Cunquei ch'ei mava tut agradora (dano tier las punts), havein tertgau ch'ei tonschi da semetter sin via avonmiezdi per turnar la sera.
Finalmein arrivai a Cape May, ha Corina mo pli vuliu ir giud il velo. Quei ei denton stau il sbagl fatal. La cadeina ei vegnida denter la roda da dents. Suenter dar scarpadas e sgiavladas ella calira, havein dumandau nies amitg e gidonter per cussegl.
La finala essan setschentai tier ina stizun da velos, nua che Marco ha gest sez priu ils uaffens enta pugn.
Suenter haver piars custeivel temps ed haver viu nuot da Cape May, essan nus puspei serabitschai sil velo e padelai anavos.
Las combas vegnevan pli e pli staunclas, il tgil fageva pli e pli mal ed il tschiel vegneva pli e pli stgirs ... e nus havevan silmeins aunc la mesadad avon nus.
... oh cooon tup!

Per cletg dat ei amitgs, aschia che nus essan lu tuttina aunc vegni a casa avon mesa notg (cul tandem).

Ocean City (New Jersey)

Suenter ch'il van fuva aunc adina buca semtgaus suenter il tschunavel di, havein nus priu la via sut las rodas ed essan carrai cun in Toyota Corolla direcziun sid, tochen Ocean City (insla).
In liug da vacanzas per famiglias nua ch'ei dat negin alcohol. ... SUPER! Quei fatg ha denton buca impediu nus da beiber in ni l'auter white russian importau sin la veranda ... cu tat Andrew e tatta Ida fuvan a letg, secapescha :-)


Proximamein suondan details da nies trip cun tandem da varga 80km tochen Cape May. Mo ton ... Marco sa buca pli co seser ... :-)

4 dis NYC

Suenter esser setschentai ils 14 da fenadur a NYC essan semess sin via encuter Peekskill. Leu havein nus passentau nossa emprema notg en x in camper damai che nies super van fuva naturalmein aunc buca semtgaus.
Il secund, il tierz ed era il quart di fuva la situaziun aunc adina la medema. Aschia che nus havein passentau quei temps a NYC.

Cheu eis ei schabegiau a nus differentas caussas legras e meins legras. Denter auter la suandonta historietta ...

NYC, ils 17-07-08 allas 15.25 sin la cruschada West 35 Street e Fashion Avenue el Starbucks. Corina sesanfla sin ils restrooms, Marco contempla la glieud ord finiastra ch'el vegn tuttenina surprius da dus umens en civil. Vesend la marca dil New York Police Departement seseva Marco sin la sutga cun bucca aviarta. "We search a "bankrauber" whit white pants, a black back and and a baseball cap." Suenter cuort haver giu il patratg da sefar ord la puorla cun 3 liters aua el sacados, ei Marco (sco adina) staus lucs ed ha aviert la siaranetga. Cheu ei il cass beinspert staus clars. Scroc - gie, "bankrauber" - na. :-)

La Corina, denton puspei anavos, ha naturalmein buca vuliu crer il schabetg casual.